Bacallau á cazola
Servings 1 persona
Ingredients
- 15 g Aceite de oliva
- 5 g Allo
- 195 g Bacallau fresco sen sal
- 110 g Pan de trigo
- 1 g Perexil
- 1 g Pemento doce
Instructions
- Nunha cazola de barro e sobre unha base de aceite colócanse alternativamente capas, non moi grosas, de filetes de bacallau e rebandas de pan de trigo con allo e perexil. Báñase todo cunha mestura de auga temperada e pemento doce que filtrará nas capas inferiores para, así, darlle máis sabor ao prato. Unha vez cociñado a fogo lento o líquido evaporarase.
Notes
O bacallau vive nos mares fríos do norte de Europa e América. Durante moitos anos consumiuse en España case unicamente salgado ou seco e, posteriormente, foi aumentando a súa aceptación en fresco. O bacallau é un peixe branco, con baixo contido en graxas, e que posúe moitas proteínas e minerais como o potasio, o fósforo, o sodio, o calcio e o magnesio. Tamén é fonte de vitaminas liposolubles A e E, e hidrosolubles B1, B2, B3, B6 e B12.