Cortamos os porros en catro anacos e as patacas en dous. Poñemos nunha cazola auga con sal, as hortalizas, o medio limón e quéntase ata ebulición, momento no que se baixa o lume e se deixa cocer, lentamente, durante media hora aproximadamente. Unha vez feito, sácaselle o limón e déixase arrefriar. Pasamos a verdura polo triturador e mesturámola coa auga da cocción, alcanzando unha mestura lixeira. Engadimos a nata e poñemos a mestura ao lume ata que rompa a ferver, aderezamos con sal e pementa e deixamos arrefriar para servir.