Córtanse as patacas en anacos moi finos, engádeselles un pouco de sal e frítense nunha boa cantidade de aceite. Por outro lado, bátense os ovos ata que adquiran unha textura esponxosa e engádeselles un chisco de sal. Cando as patacas estean ben fritidas, elimínaselles parte do aceite, escórrense e engádenselles os ovos batidos e unha cunca de caldo, despois vértese a mestura nunha tixola con aceite ben quente e do tamaño do que se queira facer a tortilla.