Desde o 27 de xaneiro e ata o próximo 15 de febreiro, o equipo de Plenus Curtis contará cunha incorporación de prácticas no seu equipo, Gerónimo García, que terminará a súa formación do ciclo de Actividades Comerciais, do EFA Piñeiral Arzúa-FCT, na nosa tenda.
Durante os seus días connosco, aprenderá a desenvolver actividades esenciais da tenda como coñecer aos provedores, observar os criterios de implantación no lineal, participar na recepción de mercadoría, na colocación do produto e na actualización dos prezos dos artigos na tenda, entre outras moitas cousas.
Desde Grupo Cuevas encántanos inspirar e formar ás seguintes xeracións, contribuíndo ao seu desenvolvemento profesional!