Aquie - Supermercados Plenus

Aquié e a súa filosofía

Traballamos en algo tan esencial como a alimentación

Todos merecemos un supermercado diferente, pensado para que facer a compra poida ser unha experiencia agradable, interesante, saudable e sorprendente, sen que teñas que pagar máis por iso. Cada día, todos os días. Aquí o tes. Creámolo para ti. Gózao!

Sentímonos privilexiados de poder traballar para ti e a túa familia en algo tan esencial como a alimentación e o que se consome na casa. Porque queremos seguir rompendo a rutina á hora de facer a compra e ser firmes no noso compromiso de facerche a vida máis fácil, decidimos asumir estes 10 compromisos contigo:

COMPROMISO COA ALIMENTACIÓN VARIADA E EQUILIBRADA

Queremos que o teu menú diario sexa san, saboroso e económico e por iso apostamos polos pratos baseados na Dieta Atlántico Galega. Poñemos á túa disposición na nosa web unha ampla selección de receitas elaboradas por un equipo de nutricionistas da Universidade de Vigo para que cada día teñas a alimentación máis saudable.

COMPROMISO CO PRODUTO MÁIS FRESCO

Comer alimentos frescos e de tempada é unha das claves para manter unha boa saúde. Seleccionamos diariamente para ti o peixe máis fresco que vén directo das lonxas galegas e escollemos os mellores produtos da terra para que o teu corpo estea san e o teu padal goce dos sabores máis auténticos.

COMPROMISO COA TÚA FIDELIDADE

Porque sabemos que se nos visitas é porque confías nos nosos produtos e no servizo, poñemos á túa disposición a tarxeta cliente coa que poderás gozar de descontos, promocións e moitas máis vantaxes pensadas para ti.

COMPROMISO COAS DATAS DE CADUCIDADE

Se atopas nos nosos supermercados un produto caducado, regalámosche dous iguais coa data correcta.

COMPROMISO COS PREZOS EXACTOS

Se o prezo marcado no estante e o do billete de caixa non son iguais por erro, regalámosche o produto.

COMPROMISO COS PRODUTOS GALEGOS

Sempre que exista un produto galego en igual calidade e prezo ca outro, potenciaremos o produto da nosa terra. A sustentabilidade ambiental tamén sairá gañando polo menor transporte.

COMPROMISO DE TRANSPARENCIA

Para que só pagues o xusto, garantímosche que as nosas básculas están destaradas, para que non pagues o papel a prezo de marisco.

COMPROMISO DE TOTAL SATISFACCIÓN

Se algo que compraches non te satisfai, cambiámosche o devandito produto por outro similar ou devolvémosche o diñeiro. Sen necesidade de máis explicacións.

COMPROMISO DE SUSTENTABILIDADE

Mantemos un comportamento socialmente responsable nas nosas tendas no referente ao aforro enerxético lumínico, a reciclaxe de elementos asociados á nosa actividade e tamén nas embalaxes.

COMPROMISO COA TÚA COMODIDADE

Ofrecémosche a repartición a domicilio gratuíta e un servizo de recollida en tenda. Consulta centros e condicións.