O supermercado Aquié da rúa Doutor Fleming, en Ourense, recibiu esta mañá a visita formativa do alumnado do “Curso certificado de profesionalidade de Actividades auxiliares de comercio”, que se imparte en Academia Postal.
Silvia, encargada da tenda, atendeu o grupo e mostroulle como funciona o día a día dun supermercado. A visita centrouse na xestión da reposición, os lineais e os pedidos, tarefas crave para que o produto chegue en perfectas condicións á clientela. Ademais, o alumnado coñeceu o funcionamento da zona de caixas, un posto fundamental na atención ao cliente.
Con esta visita, Grupo Cuevas reforza a súa colaboración con iniciativas de formación orientadas ao emprego no comercio, e achega a quen se prepara para traballar no sector a realidade dun supermercado en funcionamento.