Lentellas de coresma

Ponse, nunha pota, a cocer 45 min a lume medio/baixo coa auga co sal, unha culleradiña de pemento picante e de xenxibre moído, un cuarto de quilo de lentellas, un porro, media cebola, un pouco de apio, unha folla de loureiro, un nabo pelado, unha cenoria pelada e unha cabeza de allo enteira e apartar. Nunha tixola, bótase un bo chorro de aceite de oliva virxe e frítense, a lume lento, o tomate pelado e sen pebidas, a cebola, o pemento vermello, o verde e a cabaciña, todo moi picado e salgado a gusto, durante 30 min, controlando que non se pegue. Botar un chorro de viño Montilla a media cocción e apartar. Sacar da pota o porro, o apio, o loureiro, a cenoria, o nabo, a media cebola e a cabeza de allo. Pasar polo batedor nun recipiente á parte, todo isto, agás a cabeza de allo e o loureiro. Volver a botar o puré na pota coas lentellas, así como a fritura de verduras da tixola. Deixar cocer 15 min todo xunto. Separar e servir.