Chícharos con xamón
Servings 1 persona
Ingredients
- 100 g Cebola
- 90 g Chícharo
- 5 g Fariña
- 40 g Xamón curado
- 10 g Manteiga
- 30 g Viño branco
Instructions
- Cortamos unhas rebandas de xamón e deixámolas, durante un día, en remollo. Botamos os chícharos nunha cazola con auga, sal e un pouco de manteiga. Na manteiga sobrante douramos cebola ben picada e, cando estea, engadímoslle o viño branco e a fariña torrada. Unha vez que os chícharos consuman a maior parte da auga na que se coceron, botamos o refrito anterior e agregámoslles o xamón. Por último, deixamos cocer uns minutos.
Notes
Os chícharos teñen un gran contido de fibra polo que se fan axeitados para incluír na dieta de persoas con hipercolesterolemia, ademais fai que se absorban menos azucres, polo que son idóneos para persoas diabéticas. Son unha boa fonte de enerxía polo seu contido en hidratos de carbono. Teñen unha boa cantidade de ferro, que cobre unha cuarta parte da cantidade diaria recomendada, co que axudan a combater a anemia. Os chícharos, ao ser un alimento rico en potasio, axudan a unha boa circulación regulando a presión arterial.